韓國推超迷人獨特「迪士尼公主系列香氛蠟燭」 一套5款各有不同味道
韓國化妝品出名就係人都知，但香氛蠟燭大家又點睇呢？！
早前韓國香氛蠟燭品牌Soohyang就聯同迪士尼合作推出「公主系列香氛蠟燭」，每個公主都有其獨特嘅香味。
Photo from Soohyang
依個「公主系列香氛蠟燭」一共有5款，分別有《魔髮奇緣》樂佩公主、《小魚仙》Ariel公主、《阿拉丁》茉莉公主、《美女與野獸》貝兒及《花木蘭》花木蘭。
《魔髮奇緣》樂佩公主：
運用玫瑰花、橙花結合麝香、檀香，揉合出清爽綻放嘅花香氣息，仲有清新嘅皂感香氣，充分表現出樂佩嘅天真活潑，聞起來非常清爽。
《小魚仙》Ariel公主：
甜蜜嘅櫻花、香草氣息，令人聯想起其甜美嘅形象。為了降低甜度，蠟燭更加上檀香和木質香氣，整體感覺甜而不膩。
《阿拉丁》茉莉公主：
經典嘅茉莉花香，加入肉桂、雪松、麝香、廣藿香，充分展現出神秘感。
《美女與野獸》貝兒：
白玫瑰、蘭花，畀人優雅嘅感覺。再加入含羞草及果香，爽朗氣息聞起嚟淡雅迷人。
《花木蘭》花木蘭：
綠茶、佛手柑以及柑橘，結合酸甜清爽的茶香，再搭以麝香、雪松充分展現出東方公主嘅溫和剛毅。
除咗獨有嘅蠟燭香，包裝上更係心思十足，經典嘅粉色搭配黑色字樣，上面仲有5位公主嘅圖樣。
另外，除咗5位公主嘅主題蠟燭外，Soohyang更推出與5位公主有關嘅迷你蠟燭。
Photo from Soohyang
而迷你蠟燭則印有木須龍（Mushu）、樂雅（Rajah）、蠟燭台（Lumiere）、小胖（Flounder）、變色龍（Pascal）。
Photo from Soohyang
各位迪士尼公主粉絲記得唔好錯過喇！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
